“Fuad bəy Vətənini və xalqıni sevən hər bir azərbaycanlının yazdığını yazıb”Azərbaycanın Avropa Şurasında səfiri və İslam Əməkdaşlıq Təşkilatının Avropa Bilriyindəki təmsilçisi olmuş diplomat Arif Məmmədov AXCP sədrinin müavini Fuad Qəhrəmanlının həbsinə münasibət bildirib. Keçmiş səfir redaksiyamıza göndərdiyi məktubda əvvəlcə hadisəyə 3 gün sonra reaksiya verməsinin səbəbini izah edib. A.Məmmədov yazır:
“İlk növbədə reaksiyamın müəyyən qədər gecikməsi ilə bağlı bəzi məqamlara toxunmaq istərdim. Azərbaycanda baş verən hadisələrlə və əsasən də son günlər gündəmi bəzəyən həbslər dalğası ilə bağlı son 2 gün ərzində Avropa İttifaqı rəhbərliyi ilə çox əhəmiyyətli görüşlərdə iştirak edirdim. Görüşlər zamanı Aİ nümayəndələri Azərbaycanda rejimin davranışlarına qiymət verərək qeyd etdilər ki, hakimiyyət özünə dərin qəbir gazırsa, biz nə üçün müdaxilə etməliyik?
Hakimiyyət dunyada analoqu olmayan “həbslər karuseli” adlı yeni bir sistem təqdim etmək istəyir – bir tərəfdən Leyla Yunusu həbsdən azad edir, digər tərəfdən isə Fuad Qəhrəmanlını həbs edir. Mən Fuad bəyin bütün yazılarını təhlil edərək, heç bir radikallıq element aşkar etmədim. Vətənini və xalqıni sevən hər bir azərbaycanlının yazdığını Fuad bəy də yazdı. Mən əminəm ki, Fuad Qəhrəmanlının həbsi AXCP-nin ədalətsizliyə qarşı mübarizəsini daha da qətiyyətləşdirəcək və insanlarda mübarizə ruhunu daha da gücləndirəcək.
Eyni zamanda qeyd etməliyəm ki, Bakıdan 20-30 km. məsafədə yerləşən Nardaran kəndində baş verənlərlə bağlı cəmiyyətdə müxtəlif fikirlər formalaşsa da, heç kimə sirr deyildir ki, bu kənd əhalisi tarix boyu öz dini dəyərlərinə sadiq qalaraq yaşayıblar. Bu kənd hətta İslamı birbaşa düşmən elan edən Sovet vaxtlarında da öz spesifikliyini qoruyub saxlaya bilmişdir. 10.000 əhalisi olan bir kənd artıq iki həftədir mühasirəyə alınıb və insanlar (uşaqlar, yaşlılar) kollektiv şəkildə cəzalandırırırlar. Bu cür rəzalət dünyanın heç bir yerində mümkün deyil. Dünya praktikasında əməliyyat aparılanda bir ev, maksimum bir küçə maksimum 1 günlük mühasirəyə alınır. Amma 2 həftə ərzində 10.000 nəfərlik kəndi kollektiv şəkildə cəzalandırmaq təssüf ki, yalnız bizdə baş verir. Bu sahədə də biz analoqu olmayan ölkələr siyahısında öz yerimizlə fəxr edə bilərik.
Hökümət bundan nəticə çıxartmaq əvəzinə, onu doğru yola dəvət edən Fuad Qəhrəmanlı kimi insanları həbs etməklə məşğuldur. Fuad bəyə qarşı irəli sürülən ittihamlar hər bir azərbaycanlıya qarşı da yönəldilə bilər. Mən bu həbsi kəskin şəkildə pisləyərək Fuad bəyin dərhal azad olunmasını tələb edirəm”.
Qalmışıq dilbilməzlərin əlində. Neftin qiyməti 37 dollara düşüb və hələ 20-yədək düşmək ehtimalı var. Ən azı 2 milyardlıq büdcə kəsiri ortadadır. Banklar çökür, insanlar kredit bataqlığında məhv olur, əlacsızlıqdan intihar edir. İqtisadiyyat iflas həddindədir. Deyirik, qardaş, vəziyyət kritikdir, 6 aydan sonra əməkhaqqı, pensiya verməyə pul tapmayacaqsınız. Yığışdırın bu monopoliyaları, korrupsiyanı, rüşvəti, qanunsuz müdaxilələri. Qoy insanlar kiçik və orta sahibkarlıqla sərbəst şəkildə, vergidən, gömrükdən, polisdən qorxmadan, hürkmədən məşğul olub həm öz ailələrini dolandırsınlar, həm də vergi verib büdcəni doldursunlar. Bunlar isə büdcəni doldurmağın həmişəki kimi analoqu olmayan yollarını tapıblar: dərs buraxan şagirdlərin valideynlərini 100 manat cərimə edirlər, əxlaqsızları üç dəfə artıq cərimələyəcəklər, hətta öz halalca evində ucadan danışdığna görə vətəndaş 400 manat cərimə ödəməli olacaq. Sən vətəndaşa 4000 manat maaş verirsən ki, ondan 400 manat cərimə tələb edirsən?! 120-150 manat pensiya, 150-200 manat maaş alan, çox vaxt işsiz olduğu üçün heç onu da ala bilməyən yoxsul camaat haradan tapıb ödəyəcək o cərimələri? Evində pulkəsən maşın düzəldəcək, ya həyətində quyu qazıb pul çıxaracaq? Lap istəyirsiniz öskürməyə, asqırmağa görə cərimə tətbiq edin. Maddi istehsal olmadan, yeni maddi dəyər yaradıb onu xaricə satıb ölkəyə əlavə vəsait cəlb etmədən və bu vəsaitdən vergi ödəmədən büdcəni mənasız və gülünc cərimələrlə doldurmaq mümkün olmayacaq. Özünüzdən beş Amerika kəşf edə bilərsiniz, ancaq bu ölkənin monopoliyaların, korrupsiyanın aradan qaldırılması, azad rəqabət mühitinin formalaşdırılması, orta və kiçik sahibkarlığın stimllaşdırlması, məhkəmələrin müstəqilliyinin təmin edilməsindən başqa xilas yolu yoxdur və olmayacaq!
Tarixi təcrübə göstərir ki, şiə məzhəbi sünni məzhəbinə nisbətdə daha mütərəqqidir. Çünki əsl islama xeyli teatrallıq, insanpərvərlik, humanizm gətirib. Məsələn, şiələr uzağı özlərini döyürlər, sünnilər isə cihad eləyir. Şiənin terror təşkilatı, misal üçün, "Hezbolla" sünni təmayüllü terror təşkilatlarının (Əl Qaeda) yanında "Freedom Haus" kimi bir şeydir. Şiələrin qurduğu dövlətlər də sünnilərin qurduğuna nisbətdə daha humanistdir. Misal üçün, İran, Bəhreyn, Azərbaycan... Qalan müsəlman dünyası əhli-sünnədir, nə gündədir, özünüz bilirsiniz. İran Pakistan və Səudiyyədən min dəfə yaxşı yerdir.Azərbaycanı xüsusi yazıram, bizdə indiyə qədər dini sahədə boğuşmanın az olmasının, qanın az tökülməsinin əsas səbəbi məncə şiə məzhəbinin üstünlüyü ilə bağlıdır.
Mən bütün dinləri puç hesab edirəm (c) amma seçmək məcbur olsa şiəliyə "hə" deyərdim.
Bütün hörmətimə baxmayaraq (din kimi idarəyə elə bu cür şəxs şef olsa yaxşıdır) şeyximizin gopçu olması da mənə sirr deyil. Ancaq dünən bir intervüsündə oxuduğum məncə gopun zirvəsi idi. Sitat: "Bizim ölkəmizdə sabitlik, sakitliyin olması İranın da marağındadır. Azərbaycan dövləti də, öz növbəsində, qonşu İranda sülh, sabitlik, tərəqqinin, ölkələrimiz arasında qarşılıqlı əməkdaşlığın tərəfdarıdır. Yaddan çıxarmamalıyıq ki, çox sayda İran vətəndaşı Azərbaycanın müstəqilliyi uğrunda, Qarabağ savaşlarında canından keçib, bu döyüşlərdə yaralanan azərbaycanlılar İranda müalicə olunublar" (APA, 11 dekabr, 2015).
İranın bizdə sabitlik istəməsi anekdotunu hələ bir qırağa qoyaq. Sizlərdən kim Azərbaycanın müstəqilliiyi uğrunda, həmçinin Qarabağ savaşında canından keçən bir yana, adicə güllə atan hansısa iranlı görüb? Nə farsını gördük, nə türkünü.
