O, çıxışında hakimiyyətin daxili, xarici və iqtisadi siyasətinin iflasa uğraması, aparılan xarici siyasətin ölkəni beynəlxalq aləmdən təcrid olunmasına iqtisadi siyasətin isə ağır iqtisadi böhrana gətirib çıxardığını vurğulayıb.
Arif Hacılı 2016-cı ilin ölkə üçün ağır il olacağını qeyd etməklə yanaşı, siyasi fəallığın artacağı və ciddi dəyişikliklərin olacağını bildirib.
Müsavat Partiyası Mərkəzi İcra Aparatının rəhbəri Gülağa Aslanlı 2015-ci il Parlament seçkiləri, bu seçkilərdə Müsavat Partiyasının fəaliyyəti barədə məlumat verib. Seçki kampaniyası dövründə ayrı-ayrı namizədlərin və partiya strukturlarının gördüyü işlərdən danışıb.
Müsavat Partiyası başqanının müavini Elman Fəttah partiyanın 2016-cı il üçün fəaliyyət istiqamətləri ilə əlaqədar hazırlanan layihəni təqdim edir.
Məclisdə Müsavat Partiyası Məclisinin bəzi daimi komissiya sədrləri çıxış edib.
Elm və təhsil komissiyasının sədri Dilşad Nağıyeva, Gender məsələləri komissiyasının sədri Könül Alıyeva, Analitik Mərkəzin sədri Mustafa Hacılı, Qarabağ komissiyasının üzvü Nazim Tapdıqoğlu çıxış edərək təmsil etdikləri komissiyanın fəaliyyəti və planları barədə məlumat verib.
Elm və təhsil komissiyasının sədri Dilşad Nağıyeva, Gender məsələləri komissiyasının sədri Könül Alıyeva, Analitik Mərkəzin sədri Mustafa Hacılı, Qarabağ komissiyasının üzvü Nazim Tapdıqoğlu çıxış edərək təmsil etdikləri komissiyanın fəaliyyəti və planları barədə məlumat verib.
Müsavat Partiyası başqanının müavini, vəkil Osman Kazımov Demokratik Rifah təşkilatının rəhbərliyinə daxil olan şəxslərin Müsavat Partiyasına qarşı qaldırdığı məhkəmə iddiası ilə bağlı gedən məhkəmə prosesi barədə məlumat verib.
Məclisin sessiyasında MNTK sədri Sevinc Hüseynova, Müsavat başqanının müavini Səxavət Soltanlı, Şirvan şəhər təşkilatının sədri Əlikram Xurşidov, Məclis üzvü Valeh Hümmətoğlu və başqaları çıxış edərək partiyada və ölkədə gedən proseslərə münasibət bildirib, öz təkliflərini səsləndiriblər.
Məclis Müsavat Partiyasının 2016-cı il üçün fəaliyyət istiqamətləri ilə əlaqədar sənədi müzakirə edərək, əsas kimi qəbul edib.
