Fuad Qəhrəmanlını həbs etdilər. Barəsində 3 aylıq həbs qətimkan tədbiri seçildi. İttiham olunduğu maddələrə görə 5 ilə qədər azadlıqdan məhrumetmə cəzası verilə bilər.
Aydındır ki, Fuad bəyi nə dövlət əleyhinə çağırışlarına, nə də milli, irqi, sosial və ya dini düşmənçilik salmasına görə tuturlar. Fuad bəyi tam əksinə, dövlətini çox sevdiyinə, onu azad etmək istədiyinə, ölkəsində milli, dini bütövlük yaratmaq istədiyinə, rejimlə məhz dinc, lakin ardıcıl mübarizə apardığına görə tuturlar. Rəsmən elan ediblər ki, Fuad bəyi facebookda yazdığı yazılara görə həbs edirlər. Fuad bəyin vicdan məhbusu olduğunu daha sübut etmək lazım gəlməyəcək. Çünki hökumət də etiraf edir ki, onu düşüncə və yazılarına görə həbs edirlər. Fuad bəyin həbsi hökumətin AXCP-yə və Milli Şuraya qarşı nifrətinin ifadəsidir. Ölkədə real müxalifəti sarsıtmaq siyasətinin tərkib hissəsidir.
Fuad bəyin həbsi qanunsuz və siyasi sifarişin nəticəsi olsa da, gözlənilməz də deyil. Fuad bəy rejimlə mübarizənin ən ön cəbhəsində idi. Rəqib düşərgə də onun mübarizəsində nə qədər səmimi və fədakar olduğunu görürdü və özünəməxsus formada Fuad bəyin həbsi ilə bu fədakarlığı “qiymətləndirdi”. Həbs olunmaq təhlükəsi olduğunu bilə-bilə Fuad bəy mübarizəsində bir addım da geri atmadı, özünü repressiyalardan qorumağa çalışmadı. Vətən belə oğulların hesabına azadlığına qovuşacaq.
Səninlə fəxr edirəm, əziz dostum! Sən əlbəttə ki, azadlığına qovuşacaqsan, hələ bu dövlətin idarə olunmasında da iştirak edəcəksən! Əminəm ki, indi yaşadığımız çətinliklər müvəqqətidir, millətimizin sınağa çəkilməsidir. Millətimiz sınaqdan üzüağ çıxacaq. Görün, bu xalqın nə qədər fədakar, ləyaqətli oğul və qızları var!
(c) AXCP sədri Əli Kərimli
"Azadlıq" radiosu bütün ölkələrdəki redaksiyaları arasında beynəlxalq araşdırmaçı jurnalistlər üçün "Xədicə İsmayıl" mükafatı təsis edib. Çox xoş xəbərdir. Bir jurnalist üçün sağlığında adına ödül yaradılması böyük uğurdur. Khadija Ismayil-ın dünyada meda adına almadığı ödül demək olar qalmamışdı, dostlarla zarafata deyirdik bir dənə "Oskar" qalıb. İndi öz mükafatı da yarandı, azadlıqda olsa bəlkə bunu da özü alardı smile duyğusu. Jurnalisti 1 ildir zindanda saxlayan Əliyev utansın.
Arzu edərdim "Xədicə İsmayıl" ödülünün birincisini Azərbaycandan kimsə alsın. Şərtlərə görə ingilis dilini bilmək vacibdir. Başqa şərtlər də radionun saytında var. Jurnalistlərimizə uğur diləyirəm.
"Platformada istifadə edilən “lifeboat”- yeni qayıqlar.D class qayıqlar -60 min dollar.
B class Atlantik 85 - 300 min dollar
“Shannon” class qayıqlar - 2.5 milyon dollar
Bu qayıqlar platformalarda ən çox istifadə olunan qayıqlardır ki heç biri “SOCAR” da yoxdur. “Günəşli” platformasında 1 günlük neft gəliri təxminən 225 min dollar edir ki , bu pulla 3 ədəd D class “ifeboat” almaq olardı .."
Bu gün AXCP-nin sədr müavini Fuad Qəhrəmanlı evində həbs edilərək, Respublika Prokurorluğunun Ağır Cinayətlər İdarəsinə aparılıb. Fuad bəyin hansı cinayət işi üzrə prokurorluğa aparıldığı məlum deyil. Telefonla yalnız onu deyə bildi ki, ona qarşı cinayət işi qaldırılıb. Nə baş verdiyini hələlik heç bir dövlət orqanından öyrənə bilmirik. Ölkədə hüquqsuzluq o səviyyədədir ki, müxalifət partiyasının sədr müavinini, tanınmış siyasətçini sanki adam oğurlayırmışlar kimi, heç bir izahat, məlumat vermədən həbs edirlər. Fuad bəyə qarşı hansı ittihamı irəli sürürlər sürsünlər, aydındır ki, həmin ittiham saxta olacaq. Fuad bəyi ölkəmizin demokratikləşməsi uğrunda apardığı ardıcıl, prinspial mübarizəsinə görə həbs edirlər. Nə baş verməsindən asılı olmayaraq, AXCP-nin də, Fuad bəyin də mübarizəsi bu ölkədə demokratiya və azadlıqlar tam bərqərar olana qədər davam edəcək.
