Neft platformasındakı yanğından 3 gün keçir. Aydındır ki, daha dənizdən heç kimi xilas etmək mümkün olmayacaq. Allah həlak olan neftçilərimizə rəhmət etsin. Heç həlak olanların cəsədlərini də tapıb ailələrinə verməyiblər. Amma əvəzində hökumətin mediadakı xilasediciləri əsl rəşadət göstərirlər. Vəzifəsinin öhdəsindən gələ bilməmiş, cinayətkarcasına səhlənkarlığa yol vermiş, əməyin təhlükəsizliyi qaydalarını bilə-bilə pozmuş oliqarxları, vəzifəli şəxsləri qorumaq, onları məsuliyyətdən yayındırmaq üçün gecə-gündüz çalışırlar. Bir tərəfdən faciə haqqında doğru məlumatları xalqdan gizlətməyə, dünyada 20-30 il bundan qabaq baş vermiş qəzaları xatırladaraq, belə qəzalar tək bizdə olmur təəssüratı yaratmağa çalışırlar, digər tərəfdən də baş verən faciəyə görə birbaşa məsuliyyət daşıyan bəzi cinayətkar vəzifəli şəxslərin hətta utanmadan qəhrəman obrazını yaratmağa cəhdlər edirlər.
Yevsey Yakovlevic Gindes 1872-ci ildə Kiyevdə doğulmuşdur1897-ci ildə Kiyev Universitetinin tibb fakültəsini bitirərək professor Çernovun klinikasında praktikaya başlamışdır,burada 8 il işləyən Gindes Kiyevdəki Aleksandrov xəstəxanasının uşaq infeksion şöbəsində 2 il çalışmışdır
Həmin vaxtlar Gindes Kiyev Bakterioloji İnstitutunda araşdırmalara başlamış və tezliklə uşaq xəstəliklərinə aid 7 nəşr o cümlədən ”Kiyev şəhərinin uşaq əhalisinin sağlamlıq vəziyyətinin öyrənilməsi materialları” əsərini yazmışdır
1905-ci ildə Bakı neft Şurasının tibbi-sanitariya konvensiyası ümummilli müsabiqə elan edir və bu Gindes müsabiqəni keçərək Çernoqorod xəstəxanasına həkim təyin olunur
Bakıya gələn Gindes ilk olaraq xəstəxanada süd mətbəxi açır,və buradan şəhərin bütün klinikalarına pulsuz pəhriz yeməkləri çatdırılır,daha sonra pediatrlar üçün ixtisasartırma kursları təşkil edir,məşhur uşaq xəstəlikləri və onlara qarşı mübarizə aparmaq üçün broşürlər hazırlatdırır
Təkcə Bakının özündə yox qəsəbələrdə belə Süd damcısı adında pulsuz konsultasiyalar keçirdir,uşaq ölümün maksimum azaltmağa çalışırdı.Gindes həmkarı Leybzonla bərabər xəstə uşaqlari müalicə edir ən ağır xəstələrdən belə 25 qəpikdən çox pul almırdı,çox vaxt xəstələri müalicə edərkən ailənin kasıblığını görür yazdığı reseptlərin arasına dərman alınması üçün pul qoyurdu
Azərbaycan Demokratik Respublikası dövründə Fətəli xan Xoyskinin 3-cü Hökumət kabinəsində xalq səhiyyə naziri işləmişdi.O, slavyan-rus cəmiyyətinin üzvü idi. Sovet hakimiyyəti illərində Gindes Bayıldakı uşaq xəstəxanasının təşkilatçısı və baş həkimi olmuş (1932-45), 1941-ci ildə dissertasiya müdafiə etmədən tibb elmləri doktoru, professorluğu təsdiq edilmişdir. Azərbaycan Dövlət Həkimləri Təkmilləşdirmə İnstitutunda uşaq xəstəlikləri kafedrasının professoru (1945-52) olmuşdur. Qafqazda ilk uşaq məsləhətxanası, süd məhsulları ("Süd damcısı”) mətbəxi (fəhlə rayonları olan Bayılda və Sabunçuda filialı var idi) təşkil etmişdir.
1950-ci ildə etdiyi xidmətlərə görə Sosialist Əməyi Qəhrəmanı fəxri adı verildi,Lakin onun üçün ən böyük mükafat bakılıların böyük sevgisi və hörməti idi,Bakıda Gindesi "Uşaq tanrısı” adlandırırdılar
1954-cü ildə Bakıda vəfat edəndə sanki bütün Bakı "Uşaq tanrısı" olan Gindeslə vidalalaşmağa gəlmişdi.
(Kult.az)
