Yazar Unknown
10 Aralık 2015 Perşembe
Dostlar müsahibəni oxumadım, oxumaq arzusunda da deyiləm, ona görəki son vaxtlar Ayaz müəllim düz hərəkətlər etmir.Danışmasaydı,yazmasaydı daha yaxşı olardı.Şəxsən tanışlığım yoxdur, çox əziyyətlər çəkdi, oğlunu itirdi, ona görə bildiklərimizi də yazmırdım,söz vermişdim.Məcburam bəzi məqamlara toxunam ki, həqiqətləri biləsiniz və Ayaz müəllim də son qoysun belə hərəkətlərə.Ona yaraşmaz.Mənə elə gəlir ki, onu danışdırdırlar,yazdırırlar. 90 -cı illərin əvvəllərində mən KZAKVO-da,qərargahda xidmət edirdim,baş zabit idim .Biz Azərbaycandakı 4-cü ordu,ermənistandakı 7-ci ordu və Gürcüstandakı 31-ci ordu korpusuna baxırdıq,tez- tez yoxlamalara gedirdik və orada olan silah sursatların say-hesabını aparırdıq.Yəni geniş sılahiyyətlərimiz var idi.Mən Ermənistana getmirdim, bəlli səbəblərə görə, amma bizim zabitlər gedirdi və oradakı proseslərdən məlumatlarım var idi. Əvvəcədən onu deyim ki, ən bədbəxt,xoşagəlməz vəziyyət bizde idi,Azerbaycanda.Ayaz müəllim onda prezident idi. Deməli artıq 1991-ci ilin payızından başlayaraq Ermanistan ərazisində olan diviziyalar hamısı dolu idi, erməni çağırışçıları ilə.Ermənistandan,Qarabağ ermənilərini orduya çağırırdılar, güclü şəkildə onlarla təlimlər kecirilirdi,bütün növ silahlardan atırdılar.5-6 aydan sonra bu çağırışçılar erməni ordusunun esasını təşkil edirdi,və yenidən çağırış edib, o diviziyaları doldururdular ermənilərlə və güclü hazırlıqlar gedirdi.Deməli artiq 1991-ci ilin sonundan onlar acıq- aşkar müharibəyə hazırlaşırdılar.Gürcüstan ərazisində yerləşən 171-ci diviziyada ermənilərlə dolu idi,orada da onları gecə- gündüz hazırlayırdılar və sonra göndərirdilər Ermənistana,milli ordularının tərkibinə. Azərbaycanda ən böyuk bazalar var idi,4 diviziya.Amma o diviziyaların hamısı boş idi,nə təlimlər kecirilirdi,nə hazırlıq gedirdi.Bunların günahı bilavasitə Ayaz müəllimdə idi.Ayaz müəllimin səriştəsizliyi nəticasində biz müharibəyə əli boş,hazırlıqsız vəziyyətdə başladıq. Bizləri çox ağır vəziyyətdə qoydu Ayaz müəllim,demək olar ölümlə üz-üzə qoydu.Məhz onun günahı idi ki, bu işlərlə məşğul olmurdu,ordu yaratmırdı və Azərbaycanın təhlukəsizliyini qorumurdu.Xocalı,Lacın,Şuşa-bu rayonların işğalının səbəbkarı Ayaz Mütəllibovdu.Mən zabit şərəfimə and icib deyirəm.Onun məsuliyyətsizliyi nəticəsində, bir hazirliq keçmiş alayımız da yox idi ki, döyüşə çıxara bilək.Indi mənim ona sualım var.Ayaz müəllim siz bu məsulliyyətləri bölüşdürürsünüzmü?Qəbul edirsinizmi ki, bu günahların hamısı sizin üzərinizdədi?Siz prezident olaraq görmürdünüz,xəbəriniz yox idi ki, ermənilər acıq-aşkar ordu yaradır,müharibəyə hazırlaşır?Siz bu xalqı düşmənin qarşısında aciz qoydunuz,alçaltdınız.Əbülfəz bəy isə sizin cinayətlərinizi yumalı oldu,sizin görmədiyiniz işləri 2-3 ayda görməli oldu. Yaxşı olar ki, sakitcə oturub, bu yazılara son qoyasınız.Deməyə sözlərim çoxdur,amma yenə deyirəm çox əziyyət çəkdiniz,oğlunuzu itirdiniz qürbətdə olarkən, ona görə susmağa üstünlük verirəm.Sizdə susun,danışmayın.Məndə qürbətdə olarkən yaxınlarımı itirdim və tanışam bu acılarla. Sizdən xahiş edirəm yalandan böhtan atmayın,sizə yaraşmaz.
Hiç yorum yok: